أول رمضان فى الشغل

الموضوع طلع سهل وبسيط ومش زى ما تخيلت
او مش زى الاوهام اللى كانت فى دماغى بخصوص الصيام والخروج للشغل
انا عشت كل رمضان هو مش رمضان بس بس عامة طول حياتى ف البيت
فمعظم رمضان كل سنة بيبقى فى البيت
مبخرجش ولو ركزت ع اخر 3 سنين مثلا مخرجتش ولا مرة ف رمضان يمكن مرة فى رمضان الى فات
ودايما عندى وهم انى هتعب ومش هقدر
العام ده الامر مختلف تماما
انا الشغل بتاعى بعيد جدا عن البيت وباخد وقت طويل وبمشي حبه يعتبروا كتير لانى اعتبر مكنتش بمشي قبل كده ههههههه
بس فى نفس الوقت لقيت الموضوع عادى مفيهوش اى مشكلة
ولا اى تعقيدات زى ماكنت دايما بتخيل
أتأكدلى حاجة مهمة وان الانسان عنده قدرات كتيير وكبيرررة لعمل اى شئ ولتحمل اأى شئ
بس احنا بأوهامنا بنحصر نفسنا فى ادوار ضيقة جدا
وضعيفة ومش بتناسبنا اطلاقا ^^
فى حاجة مهمة لازم نبقى مؤمنين بيها جدا وهى
(ان الله لا يكلف نفساً إلا وسعها )
بجد احنا عندنا قدرات كتير بس احنا مش مدركينها
وفى قدرات اكتر لسه مش مكتشفينها
بس مع الوقت والايام والظروف والاحداث وكل حاجة بتحصل ف حياتنا بنكتشف حاجات جديدة فى نفسنا
ومهما الانسان عرف نفسه كل مدي بيعرف حاجات جديدة عن نفسه
حاجة ممتعة
فى مقولة حقيقية اويي بتقول
You never know how strong you are until being strong is the only option you have ^^
رمضان جري اواام وعدا اسبوع والواحد لسه ملحقش يعمل حاجة
ربنا يقدرنا ويقوينا ويعنيننا ع الطاعات على الوجه الذى يرضيه
انا كان ببقالى ولا 3 ايام عايزه اكتب بس مفيش وقت
الوقت ضيق جداا  بس الله المستعان
♥