-_- ohh !

عدت بعد 5 ايام لاجد ان كل شئ كما هو
لم اشعر بالايام حتما
ولا ارغب ف العودة الكلية للفيس.
ايا كان لانه المعطل الرئيسي والمستهلك الرئيسي للوقت بشكل  سئ
لقد عانيت الفترة الماضية من ضياع الخطة 1 و2
اللى كنت قايمة عليها الفترة دى ول9 شهور جاية :\
حقيقى متضايقة من جوايا وممكن اكون محبطة قليلا لان كان عندى امال عالية على المخططات دى
لك ان تتخيل حقيقة ان كان لدى خطط جاهزة ل9 اشهر وفجأة لا شئ لا خطط لم اكن اتخيل اننا لن اوفق في اى منهم :3 
بس الحمدلله على كل شئ دلوقتى لازم ابتدى ابص للمخطط 3 و4 واللى هعمل فى الاتنين سويا
مش عارفة تركيز ولا ايه بس ده الخير واكيد انا مش جاهزه دلوقتى لهذا النوع من التغييرات
عشان كده متحملة الى حد ما وكويسه ...انا عارفة ان حواليا كانوا عاقدين امال عليا كبيرة
بس كالعادة كل الامال بتتكسر عليا ..ممكن حد غيرى كنت قعدت ف السرير او نمت كتير او اكتئبت  لان مفيش حاجة بتكمل لاخرها
او لان مخططاتى ويوم ما قررت فعليا ونفسيا التغيير وابذل المجهود كله يتحطم ..لكن لست حزينه
بالعكس ده بيوصلنى ويعرفنى انهى طريق هسلكه وهختاره 
وسنة 2014 اللى كان شكلها هتبقى سنة حلوة فى اخرها مشت ع نفس الرتم من الاول للاخر ..بس اقدر اقول اتعلمت كتير
وعرفت حاجات كتير عن نفسى وعرفت انا عايزه ايه بالظبط وايه اللى مش عايزاه
حتى فى حوار المنحة عرفت فعلا ان ده مش اللى انا عايزااه كنت بعمل حاجة لمجرد انى لازم وان ده التوجيه الطبيعى ليا
انا هتحرر من الهندسة المدنية للابد ..معنديش نوايا اشتغل كده او اجرب واشوف نفسى هنفع ولا لأ
انا خلاص قفلت ومش معتبرة نفسى مهندسة مدنية او حابه انى اشتغل الشغل ده
لانى ضد اى شغل روتينى يوقف الدماغ
لازم يبقى فى ابداع وتغيير حتى لو على فترات بس يبقى فى
انا خلاص تخليت عن الهندسة المدنية تماما
وسأبحث عن ذاتى وحاجة تبين قدراتى وابداعاتى ..
فى حاجة تايهه محتاجة الاقيها ..ولحد الوقت ده
هعيش غير معرفة !!
يارب صبرنى