فى حاجات كتير بتتعبنى وبتهدر طاقتى
ومعدش ليا طاقة ع احتمالها
ومجملها ف تفاهات بشرية
مش هقول انى مكنتش كده ف يوم من الايام بس الواحد بيكبر وبينضج كل يوم عن اليوم اللى قبله
بيتعبنى جدااا :
- الناس اللى بتكبر الموضوع مع ان الموضوع ميستاهلش
التذمر وبس لازم تتذمر من امر ما .. يكفى ذكر الامر مرة ..ما فايدة التكرار طول مانت قاعد نفس الحوار وانك متأفف
خلاص عرفنا !!
- الجدال والمعارضة بسبب ومن غير ..عندك سبب وجيه ومعلومة مفيدة قولها
تقولها مش لازم تجادل جدال اذلى ..انا مستعدة اعترف بخطأى واتأسف وهعمل كده بصدر رحب فعلا طالما دى الحقيقة
لكن مش حكاية تعارض اى كلمة شخص يقولها لمجرد ان الشخص ده بيقولها او لمجرد انها معلومة غريبة ع عقلك
والاغرب ف الردود ..لا مبتحصلش مينفعش !! اسمع وافهم ولو مش مفتنع دور فى الكتب وجوجل احسن واحد يدلك مش ناقصه وجع دماغ !!
- الوقفة ع الكلمة !! حد يوقفلك ع كلمة ويفهمها معنى فردى او حاجة ملهاش علاقة بالكلام
ويعمل فيلم وهوليله ع الكلمة دى مع ان كل كلامك حلو وكلمة غلط وبتبقى مش مقصودة اصلا لكن هتلاقى دايما الناس اللى تقولك
وتصر ان اسلوبك مقزز ومؤلم لدرجة لا يمكن تمريرها
حاضر لن اتحدث مجددا ..عارفة ان الناس اللى بتزعل من كلمة منك بنسبة كبيرة بتبقى ناس مهتمة لامرك وبيبقى واخدين الامور بحساسية .بس بالنسبة لى طالما واثقة ف اللى قدامى وناس انا باقية عليهم ف حياتى
اتفهم تماما الاخطاء اللى ممكن تحصل حتى لو ضقتنى مش هقولهم لانها تقريبا مبتضايقنيش لان الاشخاص المهمين دول
مش ناس هقفلهم ع اى حاجة بالعكس حتى لو غضبت قليلا بنسى الحاجات دى
مش هقدر انكر واقول انى معملتش الحاجات دى ف عمري قبل كده ..اه كنت بعملها لانى غبية وبشر وهبلة وكل ما يكون
بس الحياة كل مدى الواحد بيتعلم النضج اكتر وبيكبر ..يعنى فى امور لا تستحق الوقوف عليها
فى امور متستاهلش تعمل منها حوار اصلا وكلام ..لان البشر صداااع
صداع كلى مستمر ..بس فى صداع حلو وصداع ممل
لازم يبقى فى مرونة ف التعامل
بسطها متعقدهاش ..ليه منعيشش ببساطة
ليه منفهمش الحاجة زى ما اللى قدمنا قالها من غير ما نقعد نتفلسف ف نوياهم
ليه منعديش الكلمة اللى ممكن اتقالت فى لحظة ضيق او عصبية وبالغلط ويمكن من استفزازك للى قدامك
عديهاله طالما انه حد واثق فيه جداا وحد مهم ف حياتك
ليه بنعمل مشاكل وبنقف ع الواحدة
ليه مش عارفين نصدق بعض
ليه مش عارفين نعيش ببساطة وابسط الحاجات والنقاشات مش عارفين نتكلم صح
او حتى نحترم بعض كويس او نراعي ونقدر ان ممكن حد لظروف ما يقول كلام مش كويس او يضايق
ماهو ممكن يكون عصبى وقال الكلام من غير تفكير ..أنبه بخفه مش لازم تعلق له حبل المشنقة
انا عارفة كونك عصبي ميدكش الحق ان تطلعه على حد بس احنا بشر وساعات
الامور بتفلت من زمامنا وبتحصل
طالما شخص مهم وانت عارفه تماما وواثق فيه ليه تكبر الحوار ..عديها
ينقصنا الكثير من التفاهم والتقبل .. ليه حتى لما هنتقبل حد ليه مش عارفين نتقبله 100% كله عل بعضه
ينقصنا الكثير من التفاهم والفهم ..وينقصنا تقبل الاخرين اكثر
ينقصنا المسامحة ..ينقصنا الاعتراف باخطأنا
ينقصنا الاعتراف بامور شتى
ينقصنا الكثير .. حتى ينقصنا المحاولة لتصحيح نفسنا
الوقت مش كبير ..الوقت بيمر بسرعة .. الوقت مش مستاهل يضيع ع الحاجات دى .. فى امور اثمن للقضاء الوقت فيها والاستفاده به
انا كل مدى بحس ان مش عايزه اتكلم ..مش عايزه اقول حاجة
من كتر ما اسمع اى تعليق .. من كتر ما الناس مبتفهمكش
من كتر اى حاجة منتشرة ليها علاقة بالكلام !!
الصمت ابلغ ..
..........
ومعدش ليا طاقة ع احتمالها
ومجملها ف تفاهات بشرية
مش هقول انى مكنتش كده ف يوم من الايام بس الواحد بيكبر وبينضج كل يوم عن اليوم اللى قبله
بيتعبنى جدااا :
- الناس اللى بتكبر الموضوع مع ان الموضوع ميستاهلش
التذمر وبس لازم تتذمر من امر ما .. يكفى ذكر الامر مرة ..ما فايدة التكرار طول مانت قاعد نفس الحوار وانك متأفف
خلاص عرفنا !!
- الجدال والمعارضة بسبب ومن غير ..عندك سبب وجيه ومعلومة مفيدة قولها
تقولها مش لازم تجادل جدال اذلى ..انا مستعدة اعترف بخطأى واتأسف وهعمل كده بصدر رحب فعلا طالما دى الحقيقة
لكن مش حكاية تعارض اى كلمة شخص يقولها لمجرد ان الشخص ده بيقولها او لمجرد انها معلومة غريبة ع عقلك
والاغرب ف الردود ..لا مبتحصلش مينفعش !! اسمع وافهم ولو مش مفتنع دور فى الكتب وجوجل احسن واحد يدلك مش ناقصه وجع دماغ !!
- الوقفة ع الكلمة !! حد يوقفلك ع كلمة ويفهمها معنى فردى او حاجة ملهاش علاقة بالكلام
ويعمل فيلم وهوليله ع الكلمة دى مع ان كل كلامك حلو وكلمة غلط وبتبقى مش مقصودة اصلا لكن هتلاقى دايما الناس اللى تقولك
وتصر ان اسلوبك مقزز ومؤلم لدرجة لا يمكن تمريرها
حاضر لن اتحدث مجددا ..عارفة ان الناس اللى بتزعل من كلمة منك بنسبة كبيرة بتبقى ناس مهتمة لامرك وبيبقى واخدين الامور بحساسية .بس بالنسبة لى طالما واثقة ف اللى قدامى وناس انا باقية عليهم ف حياتى
اتفهم تماما الاخطاء اللى ممكن تحصل حتى لو ضقتنى مش هقولهم لانها تقريبا مبتضايقنيش لان الاشخاص المهمين دول
مش ناس هقفلهم ع اى حاجة بالعكس حتى لو غضبت قليلا بنسى الحاجات دى
مش هقدر انكر واقول انى معملتش الحاجات دى ف عمري قبل كده ..اه كنت بعملها لانى غبية وبشر وهبلة وكل ما يكون
بس الحياة كل مدى الواحد بيتعلم النضج اكتر وبيكبر ..يعنى فى امور لا تستحق الوقوف عليها
فى امور متستاهلش تعمل منها حوار اصلا وكلام ..لان البشر صداااع
صداع كلى مستمر ..بس فى صداع حلو وصداع ممل
لازم يبقى فى مرونة ف التعامل
بسطها متعقدهاش ..ليه منعيشش ببساطة
ليه منفهمش الحاجة زى ما اللى قدمنا قالها من غير ما نقعد نتفلسف ف نوياهم
ليه منعديش الكلمة اللى ممكن اتقالت فى لحظة ضيق او عصبية وبالغلط ويمكن من استفزازك للى قدامك
عديهاله طالما انه حد واثق فيه جداا وحد مهم ف حياتك
ليه بنعمل مشاكل وبنقف ع الواحدة
ليه مش عارفين نصدق بعض
ليه مش عارفين نعيش ببساطة وابسط الحاجات والنقاشات مش عارفين نتكلم صح
او حتى نحترم بعض كويس او نراعي ونقدر ان ممكن حد لظروف ما يقول كلام مش كويس او يضايق
ماهو ممكن يكون عصبى وقال الكلام من غير تفكير ..أنبه بخفه مش لازم تعلق له حبل المشنقة
انا عارفة كونك عصبي ميدكش الحق ان تطلعه على حد بس احنا بشر وساعات
الامور بتفلت من زمامنا وبتحصل
طالما شخص مهم وانت عارفه تماما وواثق فيه ليه تكبر الحوار ..عديها
ينقصنا الكثير من التفاهم والتقبل .. ليه حتى لما هنتقبل حد ليه مش عارفين نتقبله 100% كله عل بعضه
ينقصنا الكثير من التفاهم والفهم ..وينقصنا تقبل الاخرين اكثر
ينقصنا المسامحة ..ينقصنا الاعتراف باخطأنا
ينقصنا الاعتراف بامور شتى
ينقصنا الكثير .. حتى ينقصنا المحاولة لتصحيح نفسنا
الوقت مش كبير ..الوقت بيمر بسرعة .. الوقت مش مستاهل يضيع ع الحاجات دى .. فى امور اثمن للقضاء الوقت فيها والاستفاده به
انا كل مدى بحس ان مش عايزه اتكلم ..مش عايزه اقول حاجة
من كتر ما اسمع اى تعليق .. من كتر ما الناس مبتفهمكش
من كتر اى حاجة منتشرة ليها علاقة بالكلام !!
الصمت ابلغ ..
..........
ليست هناك تعليقات:
إرسال تعليق