i hate winter !!

تعبانه جدا وسقعانه ومش مظبوطة ودايخة
ودقايق اخف وارجع تانى
:(
حتى الكلام اللى فى الدماغ مش مترتب وكان ف حاجات كتير عايزه اكتبها
بس دماغى مش مترتبه :\
اكتشفت اكتشاف رهيب من كام يوم
انا مبحبش الشتاء
انا معدتش بحب الشتاء بجد خلاص
ايه الحلو انى البس مليون هدوم فوق بعضها
ولا لازم ادفى دماغى عشان متصدعش
وادفى رقبتى لتاخد برد ويجيلى لوز
ايه الحلو فى كده الواحد ميبقاش عارف يتحرك ويتلزق ف حته
ولا اسقع كل اما ادخل الحمام وتلاقى صعوبة
فى تغيير الهدوم او الاستحمام او ...او... الخ 
انا قعدت تأملت ف الحوار الشتاء  ده
لقيت الشتاء ده ممل ملل السنين :\
مفيهوش جديد ..الجو تلج بيجبر الواحد على توقيف حياته
بيدعى للكسل ..يعنى حتى لما بنام بدرى ..بصحى متأخر مبقدرش اقوم
او ممكن نقول بكسل اقوم من السقعة واقول ياااه يا محلاها البطانية
خلينى ف الدفا !!
دا غير البرد بقى اللى بيكسر الواحد وبيكره الواحد فى عيشته
وتبقى ولا عارف تدوق طعم الاكل ولا تشم حاجة
وحتى الاكل بياخد وقت اكتر عشان يستوي او يسخن
وغيره وغيره انا دماغى مش مظبوطة دلوقتى
بس بجد انا مبحبش الشتاء
الشتاء ليست كما كنت اعتقد
 او لا تستحق كل هذا الحب ههههههههههه
#لحظة غضب من الشتاء
بالنسبة لى الوقت اللى قبل الشتاء والوقت اللى بعد الشتاء مابين الشتاء والربيع حلو
والخريف حلو
يارب صبرنى يارب ... -_-
الحمدلله على كل شئ