تركت كل شئ لله ^^

قررت اريح دماغى اللى شاغله نفسها بحاجات كتير بالمستقبل والماضى
وبالحاضر بكل حاجة لدرجة متعبة
لقيت ان معظم الافكار والتخيلات واستباق الاحداث
كلها حاجات بتعب دماغى بيها وف الغالب مبتحصلش
وحتى لو حصلت مفيش فايده مكتسبة من انى اكون فكرت فيها قبلها مثلا
يعنى مهما كان الموقف اللى هتتحط فيه ربنا هيلهمك فى وقتها للتصرف اللى لازم تتصرفه
عشان كده تصالحت مع ذاتى ونفسى واخلصت نيتى تماما
انى مش هشغل بالى بالحاجات دى مش هشغل بالى باللى مش ليا ولا ببكره ولا بامباح
انا اتعلمت دروس امبارح  وهركر ف الحاضر بتاعى وبس
هعمل ع تعديل حياتى وتصحيحها بالكامل من الان فصاعدا وان اكون نسخة افضل من نفسى
مش هستني لبداية العام انا بدأت من الشهر ده
لان البدايات بتبقى غير منتظمة شوية
هاكون شخص فاعل اكثر من شخص متحدث
عندى احلام عايزه تتحقق
بس توكلت على الله
وسبت كل الامور اللى بتقلقنى وتعبانى لله
فالله قادر على تبديل قلقنا واحزاننا لافراح
لانى واثقة تماما ف الله ان بكره هيبقى احسن، الشهر الجاى هيبقى افضل من ده
وللى بعده افضل وهكذا
و2015 هتبقى احلى عام باذن الله تعالى
تلك هى ثقتى بالله وايمانى به
الثقة المطلقة ^^
عشان كده حسيت براحة تماما وعقلى استريح وروحى ارتاحت
فحسيت ان كده اصبح من السهل الى حد ما الاهتمام بالامور الواجب الاهتمام بها ^^
ان شاء الله الجاى احسن ^^
بقالى فترة مليش نفس اكتب حاجة ومكنش ليا نفس اكتب اى حاجة لانى شبه منعزلة تماما عن الناس
بس مش حاسه انى عايزه اكتب ..فاقدة الرغبة حاليا
بحاول استجمع نفسى قبل العام الجديد ^_^
هيبقى عام علينا جميعا كله خييير لى ولكم ^_*

هل من الممكن ان تخرج من احلامى وتأتى لواقعي !!

لقد كانت الكثير من الاحلام التى كانت بيننا ..انا وفتى احلامى
الشخص الذي لا اعرفه ع الواقع بعد
وقد اكون لم اقابله بعد
لا ادري بالظبط من هو ..لكنى احبه احب شخصيته
كيف يجعلنى ابتسم واكون سعيده
كيف يكون جريئا ويقول كلام مفاجئ يجعلنى اخجل منه
  اهتمامه وحبه الذي لا يخشي
ان يظهره امام الاخرين
صدقه معى .. تحمله لى ..تقبله لى بالكامل
كل هذه الاشياء احبها ..اقدرها جداا
حتى وان كنت شخصا وهميا لا يصدق احد ف وجودك
يكفى اننى اصدق بوجودك وانك موجود ف مكان ما وستأتينى يوما ما
لا ادرى ماذا يمكننى ان افعل حينها ..ولكنى حتى وان بدوت بمظهر سئ او غير متفاجئ
فحقا سأكون سعيدة من داخلى ..سعيدة وقلقة ..سأصبح قلقة بعض الشئ
لاننى سأخاف عليك جداا :$
.....
لقد ألهمتنى كثيرا .. تغيرت تماما
اصبح هناك شخصا ابحث عنه ، وانتظره
قد لا اجده ف اى مكان حولى
ولكن على الاقل لنا مقابلة فى احلامى كل فترة
يكفى كونك معى وساندتنى فى كل اوقاتى الصعبة
كم اتمنى لو كنت حقيقة ^^
وان تكون بجانبى الان ~~
ولكنى محظوظة ان احظى بشخص مثلك حتى لو فى احلامى فقط
بسيطة انا جداا فكم اسعدتنى تلك الاحلام وشحنت طاقتى لاعلاها
واستمر اثرها لايام لشهور لسنوات !!
اكره عندما افوق من تأثير هذه الاحلام وان احاول اقناع نفسى بانك وهم مجرد حلم
شخص ليس له وجود ..كيف لى ان اؤمن بوجوده هكذا
فانا غبية وحمقاء حقا
غبية جدا وبشدة ان اؤمن هكذا
او اننى اريد ان اتعلق باى ذره أمل صغيرة
ان تكون هناك امورا تدعونى للصبر والانفتاح اكتر على الحياة
 حتى لو قررت اننى لا اريد ان اراك مرة اخرى ف احلامى وان غضبت وقررت ان اطردك من احلامى
تاثتينى لتطلب السماح منى وتبتسم واتغير فى لحظة
لا ارغب بذلك لايمكننى ان اعيش بلاوجود هذه الاشياء
حتى لو وهميا على الاقل
........
اخشي احيانا ان يكون قد اصابنى الجنون من جراء تلك الاحلام
كيف لى ان استمر ف ان اصدق بهذا وحدى
بلا اى وجود لاى شئ على الواقع
لا ادري ارغب ف التخلي عن ذلك
لاننى هشة من الداخل وضعفت طاقتى بما لايكفي
لاحتمال المزيد من اتهامات الجنون
كيف تعيشين حلم مجرد حلم ولم يكن يوما واقعا !
لاننى حمقاء
ومتفوقة ف اضاعه وقتى
والتمسك بالاشياء الوهمية والعيش ف الاحلام
لاننى لست قوية بما يكفي
بما يكفي
لاعيش بلا حلم
ومهما احاول ان انسى واتناسي
انجح لفترة من الوقت حتى احبط
واعود لتذكر تلك الاحلام من جديد
لو يمكننى ان اجد الحلقة المفقودة
فى حياتى لوجدتها ووضعت الامور ف نصابها
ولكن هناك العديد من الامور ليست بيدى
لا يمكننى التحكم بها
لا اعرفها
كل ما يمكننى فعله هو الدعاء والصلاة
والايمان بان الغد سيكون افضل من الف حلم
.................
كيف ستعرفنى وكيف سأعرفك
ربما تحلم بى كما احلم بك
ربما روحانا ارتبطت قبل ان نتقابل
ربما نحن واحد كل منا بمكان
عشنا حياة موازية فى عالم اخر
عالم الاحلام
............
فاكر حلم اما كنا ماشيين وقلتلى فى مطعم فى بيتزا حلوة اويي هبقى اوديكى فيه
*حبيت البيتزا بعد الحلم ده *
ولما كنت بحكيلك عن مسلسل كورى عاجبنى اويي ومأثر فيا قلتلى انك برده شفته ^_^
انا كنت متفاجأة جداا ومبسووطة جداا انى بحكى حاجة انت عارفها انك شاركيتنى هوايتى
ولما مشينا وقولتلى انك عايز تيجى واقول لبابا بس كان ف مشكلة صغيرة
روحت قلت لبابا والمشكلة اتحلت
فاكر حلم لما قلتلى انا هبقى صادق معاكى من الاول وهقولك عن كل حاجة عنى
قعدنا نتكلم كتيير اويي وقتللى عن لونك المفضلوعيلتك وحاجات كتييير وان مشكلتك العصبية
وبتحاول تحلها بس مش عارف وعايززنى اساعدك !!
قلتلك اطمن انا هستحملك وانا كمان بتعصب كل فين وفين وهنساعد بعض ونبقى احسن
معايا مفتاح تحسين الموضوع ده ^^ ففرحت انت اويي وقلتلى انا مبسوط اويي انى معاكى
فاكر حلم اما كنا متجوزين وكان اهلنا جايين وكنا بنساعد بعض ف تجهيز الفطار عشان نلحق ناكل :3
ولما خرجنا سوا ومسكت ايدى فى الشارع كنت مكسوفة اويي وقلتلك لأ
قلتلى ليه انتى مش مراتى ولا ايه  :$
فاكر حلم اما كنت تعبانه وجيت تطمن عليا ..ساعتها شوفت ف عينيك الخوف والقلق واتكسفت اويي :$
فاكر حلم اما كنت زعلانه منك اوييي ومكنتش راضية اكلمك ولا اشوفك وجيت تصالحنى وبتبتسم
واتعصبت وزعقت ..بس بعدها حسيت بالذنب جامد وكنت عايزه اقولك *you got me at hello *
فاكر احلام كتيير كنت بترخم عليا وبتحرجنى بجرأتك دايما قدام الناس :3
فاكر حلم لما صحيت من النوم لقيتك ف البيت وبتطلبنى من بابا ..اختى صحتنى وفجأتنى بالخبر
وانا مكنتش عارفة جيت امتى وازاى وانا مش عارفة وخرجت وساعتها انت كنت مبسوووط اويي
وانا كنت محرجة ومستغربة ومش فايقة خالص وبعدها لما خرجنا قعدت تقول انك فرحان ومش مصدق نفسك ان كان ممكن اوافق عليك ..وانا ف دماغى ازاى مكنتش هوافق يعنى  !! ه
فاكر بعدها حلم لما كنا بنشوف الشقة وكانوا بيتكلموا ع الاتفاقات طلعت قعدت ع السلم قدام الباب وجيت انت كمان وقعدنا نتكلم ونحكى ..قلنا خليهم يتفقوا بقى XD
فاكر حلم اما كبرنا وتخننا جامد وانا كنت زعلانه اويي اننا مبقناش بنفس درجة الحب وقلت لا
لازم بجد نرجع حبنا زى زمان ..برغم الكبر والعجز الى انك كنت احلى واجمل ف نظرى ^^
فاكر حلم لما كنا بناكل سوا وحلم لما قلتلك هنسافر نصيف قلت اجى معاكو .. وحلم لما كنا بنلعب سوا بالموبايلات
واحلام كتيير وكتيير تفاصيلها كلها ف دماغى ..بس بطلها مفقود ومش موجود
اى حاجة كانت بتحصل لى كنت بحلم انى بقولهالك
ياترى فعلا كانت بتوصل .؟
هو ده السؤال اللى عايزه اجابته
وهو ده السؤال الوحيد اللى مستحيل الاقيله اجابة
لان بطله مش موجود -_-
...........................
عشان كده الاحلام بتفضل احلام
مبتخرجش عن الواقع
اشكر عقلى ودماغى اللى عملتلى مواقف كتيير حلوة
ممكن مقدرش اعيشها ف الواقع
لان الواقع مليئ بالصخور والعواقب
اما الاحلام ليست لها قوانين وحدود
سمعت ان العقل يعمل حيل عقلية ليسعد صاحبه
فقد تكون تلك هى حيلة عقلى ليسعدنى
فترة طويلة من الزمن ^^
لو لم يكن كذلك
وان كانت حقيقية
فلابد وان الشخص المعنى بالامر كان يمتلك احلام مقابلة وموازية
يعرف كما اعرف
عنده باقى المعلومات ويستطيع ان يكمل الناقص ف هذه الاحلام ~~
وان كان هذا الشخص موجود حقا وكانت له هذه الاحلام
لكان هنا الان
ف التو واللحظة
لم يكن ليتركنى كل هذه المدة كل هذه الفترة
لكان جاء واخبرنى قبل ان افكر ان اخبره
لاستطاع ان يجدنى قبل ان احاول ان بحث عنه
لانه من هذا النوع ..الذى سيفعل الشئ قبل ان افكر فيه حتى
لاننا متصلان ..لاننا مرتبطان روحيا
لانه مختلف 
لانه من عالم اخر
لم يستطع العثور والوصول الى
.....
من فضلك
تعال الى واقعى واترك احلامى  #

My life :)

Nell - Run [Eng. Sub]: http://youtu.be/CTy56iZbuOM

الفشل !!

باقى من الزمن 30 يوم على انتهاء هذا العام
السؤال هو ؟ عملت ايه لحد دلوقتى !!؟
خلصتى اللى عايزه تعمليه ؟ لا
عملتى كام من كام
او النسبة كام ..مفيش نسبة اقدر اذكرها
ماشى ناوية تعملى ايه ف الفترة الباقية دى عشان تلحقى تنقذى ان العام فعلا اتعلمتى فيه حاجة .؟
ناوية اركز واظبط جدول انشطتى بالكامل
هتقدرى تواظبى ؟
هحاول بكل ما اوتيت من قوة ..وكمان الجو شتى فالتحدي بقى اصعب
عشان كده هاخده وامشى فى التحدي ده لحد اما اخلصه للاخر
انا زهقت من نفسى تماما وزهقت من الناس اللى ملهاش ذنب فى اللى انا فيه ههههههههههه
اللى انا فيه انا فقط المسئولة عنه ..اللى انا فيه ده انا اللى مسئولة عن نفسى
انا اللى هتحاسب على وقتى محدش غيري
لانى غبية وسبت نفسى اضيع وقتى وسهلت لغيري ياخدوا من وقتى
انا اسفة يا نفسى بجد واسفة يا اى حد ضيعت وقت منه فى يوم
الفشل مبحبش حد يكلمنى عن الفشل لانها كلمة مش موجودة ولو قالوها مش عارفة ممكن اتصرف معاهم ازاى
لان ساعتها هقولهم الفشل الحقيقي بيبقى ازااى
تقريبا اى انسان بيبقى ليه جوانب نجاح وفشل بس الكلمة نفسها صعبة اويي وتقيلة
بس لو بصيت لحياتى انا كل حاجة فشل ف فشل
وكل حاجة بتفشل
بس ده حاجة مش مضيقانى ومش زعلانه ومش هعيط عشان حاجة زى دى
لان ده الاحسن ليا والحمدلله على كل شئ
مشكلتى انى انا مش من اولوياتى !! فسايبه نفسى وهملاها فى الحاجات اللى عايزه اعملها
انا حاسه ان برغم تماسكى لفترة طويلة
كل المشاعر السلبية اللى فى الدنيا بتحاول تفترسنى
بجد حاسه انى مش عارفة اهرب من المشاعر دى .. وعايزه تخنقنى
وحاسه انى عايزه اعيط بس
مش بسيب نفسى بتمالك نفسى
انا حتى ان كنت فاشلة ف الامور الظاهرية للناس اللى منها بيحكموا على حد ناجح او فاشل
دراسة - عمل - زواج
دى الامور الل الناس بتحكم منها ع النجاح والفشل
مع ان النجاح والفشل امور نسبية ومقاييسها مش  المقاييس اللى بيقيس عليها البشر
وفى حاجات كتيير بتبقى ناجح فيه او يمكن القول تتميز فيها عن غيرك كتيير
اانا قلت انى هصبر على كل الحاجات دى وهصبر على انى متحركش من مكانى
وهصبر على انى افضل فاشلة وانى افشل فى اول خطواتى لاى شئ
هصبر هصبر هصبر هصبر
لانى فى يوم هلاقى الاجابة
لانى فى يوم هوصل
لانى بستمر ف تخيل اليوم ده
ده اللى بيخلينى اكمل
برغم كل التحديات والمصاعب والمشاعر السلبية اللى بتهاجمنى من كل مكان
هنجح ف النهاية
باذن الله
لانى مش ناوية استسلم حتى لو كسلت  لايام  قليلة
سأعمل بجد حقا .. وسأعيد دراسة العديد من الامور جيدا ف حياتى
سأواجه نفسى مرة تلو الاخرى لاجد الاجابة
لاصل
لانى حقا سأصل يوما ما
حتى يأتى ذلك اليوم
سأستمتع بأيام الفشل دقيقة بدقيقة
ياااااااااارب صبرني يارب صبرنى يارب صبرنى
يارب سهل لى يارب سهل لى يارب سهل لى
^_^