يااااارب

يارب اختر لى الخير لى
واشرح لى صدرى
ويسر لى امرى
ونورلى طريقى وبصيرتى
يااااااااارب مليش غيرك
يارب صبرنى
يارب قوينى
يارب ساعدنى
يارب انت ثقتى ورجائى
يااااااارب اصلح قلوبنا واحوالنا
يا الله

الحمدلله على كل شئ
(ان معى ربى سيهدين )

-_-

زهقانه طقهانه متضايقة
مخنوقة مقروفة
حاسه بشعور مقرف اويي
مش عارفة ايه الهباب اللى هف فجأة ده
مش عارفة
الحالة المقرفة دى هتقتلنى
عايزه اكبر دماغى بس مش عارفة
خصوصا انها حاجة تخص حياتى ومستقبلى
يارب صبرنى
يارب اهدينى
يارب نورلى الطريق
يارب نورلى بصيرتى
يارب اصلح لى الحال
يا رب يارب ياااااااااااااااااااااارب
يارب مليش غيرك

مقريفة

أشعر بحالة مزاجية متعددة ومختلطة وحاجة زي القرف
نمت بدري ولسه صاحيه من ساعه ومش عارفه انام تاني
مفيش كلام يتقال ربنا يهديني وينورلي عقلي
مش عايزه أفكر في أي حاجة
في حاجات كتير محتاجة إعادة نظر جدياً
أن شاء الله خير متفائلة مهما كان

لازم اتحركككككككك

i hate the fact that i'm officially engaged and don't feel like it
i'm engaged but really i'm living like single :D
msh bel m3na aw el t3reef el mot3rf 3lih 3nd a3'lb el nas
ok i know i'm different
bs msh lazem fe de yeb2a wala ka2ny engaged wala 7ga ka2n hawa
i don't feel any difference 3n lama kont single
de 7aga 7elwa el sara7a we mori7a bs msh lel drga de
lazem yb2a fe tawazon 
so i've decided to
take a very dangerous steps to change many things
as i can't take it anymore -_-
and if we really going to get married by next August
he really have to do  a lot ...
i don't like that kind of staff ...and the one who wants me to do all & everything
okay i may do all this stuff ..but as astranger that i just recently met
at least u have to make me fall for u ..& then i'll be really
the woman of your dreams :\
but tell who !! since it's just thoughts ..
so today ..i'll say manythings ..i hope i don't forget ..
really every minute is precious ..i don't want to waste time
enough   ...i've to get  the feel *100% comfort* so i can feel excited about getting married
is this hard !! ..da 2a2l 7ga lazma 3ashn ntqdm lelamam
ya rab ostor 

~~

اشعر بالغضب الشديد
لا اعلم لماذا
غاضبة والى حد ما مكتئبة
اعتقد اننى غاضبة لمحاولة التخفيف من الاكتئاب
بنقل مشاعر الحزن والاكتئاب الى غضب لاكون افضل 
لماذا هكذا ؟!
سئمت من الذهاب والعودة !!
واى كانت اى جست جيف اب
واى اى شود تراى هاردر
متعبة ومرهقة روحيا جدا
لست قوية بما يكفى لاستطيع المضى قدما باسرع ما يمكن
اشعر بالغباء
i'm desperate
feel bad
مهما حاولت اتجنب وعملت انى عادى
ده مبيغيرش الحقيقة اللى جوا الواحد
اى وانت تو كراى

:\\\\\\\\ :((

اشعر بشعور سئ للغاية
توفت صديقة صديقتى
اتمنى الايكون الخبر صحيحا
يارب سلم يارب استر يارب

sick & tired -_-

حركة غبية اوي
افتكرت لما اخلص كل الشغل فى يوم هرتاح وهيبقى عندى وقت اطول
اذاكر واعمل كل حاجة
للاسف تعبت ومكسرة >.<
وطبعا مليش نفس دا غير مش قادره اعمل حاجة وعايزه انااااام ~~
على اى حال هنام بدرى
وبكره يوم جديد
اكييد مش هيبقى فى شغل يعنى لان كل  حاجة متنظفة
ممكن الاكل بس
وانام براحتى بقى واصحى براحتى وافوق عشان
اشوف مستقبلى المهنى
اللى على وشك الضياع :D ههههههههههههههه
يااااااااااارب

العد التنازلى

بدأ العد التنازلى
لحاجات كتيير فى حياتى
وان شاء الله للاحسن دايما ^_^

yaaaaaaaaaaayyyyyyyyyyyyyy ^^

مش مصدقة نفسى اقدر اقول يوم 13 مارس هو اول يوم اخلص فى مهام اللست بتاعت اعمال اليوم
^_^ ودخلت ع لستتين تانيين لحاجات جانيية ^^
من ساعه ما صحيت لحد من شوية نظفت الشقة كلها والسلم
ماعدا المطبخ
وعملت الاكل وذاكرت شوية لما النور قطع
يااااااااااااه تعباانه جداا
بس ارتحت عشان افوق بقى واذاكر للانترفيو القادم
هجهز نفسى تماما
وان شاء الله خيير
ادينى بخلص حاجة حاجة من التراكمات اللى عليا
عشان مش هبقى فاضية قدام بقى ^^

حالة مزاجية غير معرفة ~~

الواحد داخل على دور برد تمام
ولسه يادوب مبقاليش اسبوعين خافه
:D
هحاول ادفع نفسى للامام بكل قوتى واكتر ما يمكننى فعله
عشان الفترة اللى جاية محتاجة شغل رهيب
على كل المستويات
شخصى - منزلى -نفسى -فكرى - علمى ..الخ الخ الخ
دماغى مليانة افكار كتييييير
وعندى امل كبيييييير
وبحارب الكسل كتييييييير
والحمدلله بقيت بنجح اكتر ما بفشل فى مواجهه هذا الكسل
مش عارفة هو كسل ولا احباط بس هما شبه بعض ومترتيبن ع بعض :D
النهارده ان شاء الله
هيبقى يوم مختلف
هشتغل فيه على اد ما قدر
واحاول اوافق بين كل شئ ومخليش حاجة تاخد حق حاجة تانية
هعمل كل حاجة كويسه ان شاء الله

الحمدلله انى شاغله نفسى ومبقتش افكر فى الافكار الوحشة او الحاجات اللى بتوترنى او بتعصبنى
الحمدلله على كل شئ
شكرا لكل حاجة ساعدتنى ع التغير ده وادتنى الدفعة دى
سواء الكتاب قريته و الحلم واحتياجاتى وعدم الرضا عن النفس والايمان بضيق الوقت ولازم نستغل الوقت صح و...و...الخ الخ الخ

حاجات كتيير دفعتنى  والحمدلله انها دفعتنى
وقت الكسل والتراجع والبطء انتهى
لازم ناخد خطوة سريعة جريئة للامام تعوض الفجوة اللى حصلت الفترة اللى فاتت
لازم اجى على نفسى كتيير الفترة دى لحد اما اظبط حياتى وامورى كده وابقى تمام
^^
اااه الواحد تعب بجد هروح اشرب حاجة الحق المرض قبل ما يتمكن منى هههههههههههه

كنت لسه بقول :D

كنت لسه بقول فى الحوار ده انى لازم فعلا ابقى جاهزة طول الوقت
وان ده الدرس اللى هتعلمه من اليوم
والحقيقة فعلا
زى ما حسيت بالموضوع
ولانى عارفة نفسى بجد وعارفة قدراتى المحدودة ههههههه
يمكننى القول ان دى اخر محطاتى انى اروح انترفيو كده فجأة من غير سابق تحضير ومش اى تحضير
لاز م يبقى قبلها بفترة وتكون فترة تمام عشان الحق اظبط نفسى فيها كويس
انى ع الاقل ابقى ذاكرت كل حاجة شاملة الجزء اللى رايحة اقدم له
ومرة مع مرة هكون ذاكرت كل حاجة وفهمتها
ولما اجى اقدم بعد كده هتبقى مراجعه بسيطة مش هحتاج اذاكر من اول وجديد
ده اللى بيفرق فى اللى بيقدم لشغل كتيير فبيذاكر كتير دا غير الخبرة وانه بيعرف يعمل ايه
فى المواقف المختلفة والاسئلة المتعارف عليها ^^
الدرس المهم من اليوم
- انى مرحش اى انترفيو كده من غير مابقى 100% راضية عن نفسى ومعلوماتى الشاملة فى الموضوع ده
لانها مش هتفرق انى اروح انترفيو وخلاص مجرد اثبات حضور شكلى لكن عقليا وعلميا الاقى نفسى فى حاجات كتيير واقعه منى
هو الحوار مضايقينيش لانى كنت متوقعة وعارفة فى المرتين انى كده كده مش هتقبل
بس هتعلم حاجة جديدة ولانى اصبحت اميل الى المغامرة وتجربة الجديد ووالخروج من منطقة الراحة
والانطلاق ف العالم والابتعاد عن العالم الافتراضى
ولانى لسه يادوب بادءه فى ترميم الاجزاء اللى واقعه منى فى معلوماتى العلمية
وكان لسه قدامى فترة ومدية نفسى على شهر ابريل اما ابدأ فى الاتجاه الى العمل اكون كونت نفسى هندسيا جيدا واكون عليت نفسى فى حاجات كتيير
دى كانت نوايايا والحمدلله كنت بادءه شوية وكنت لسه هكمل ولسه هكمل
ان شاء الله ^^
الدرس التانى : انى بنت ومش سهل اتشغل وفرصتى مش زى الولد عامة
فعشان كده لازم يبقى عندى امتيازات اعلى  تخليهم ميبصوش لحته انى بنت او انى مرتبطة
فيبصوش نظرة مستقبلية انى ممكن اتجوز قريب فهحتاج اجازه وهما مش عايزين كده
لان دا اغلب فكر الشغل الخاص
ولان الواقع الصادم : ان المرأة المتزوجة فرصها قليلة جدا فى العمل ان لم تنعدم خاصة فى المجال ده
خصوصا لو معندهاش مميزاات تميزها
- عرفت حاجة تالتة هى ان مدنى مش ليا وانا مش لمدنى
وانى بلاقى نفسى اكتر فى الرى والمياه والصرف والحاجات دى
والمانجمنت او الوظايف مش عارفة اوصفها وانى بجد محتاجة تدريب فعلى لو عايزه اشتغل فى التصميم  استراكتشر خرسانات وستيل واساسات  والحوارت دى ودول تقريبا معنديش اى ميوول ليهم على لاطلاق مسئوليات اعلى بكتير

المهم ان قررت انى مش هضيع وقت تانى ومش هروح الا لما ابقى متأكده من نفسى انى جاهزه الان للانطلاق فى الانترفيوهات
انا مأحبطش بس كنت بتحرج من نفسى الامر محرج للواحد انه يلاقى نفسه مش عارف حاجات او ناسى حاجات
احراج من منظره قدام الناس اللى بتختبره هههههههههههههه بس الحمدلله بقيت بتجاهل الشعور ده لحد اما انعدم
لانى مش فارقة معايا ياخدوا فكرة ايه عنى
اصل لو عجبتهم هشتغل
لو انا غبية ومبفهمش هترفض ايا كانت الطريقة بقى فساعتها مش هقابلهم تانى
فمش مهم منظرى ايه قدامهم
منظرى الفكرى والعلمى طبعا :D

متفاءلة خيروجدااا ^_^
وان شاء الله اما يبقى فى انترفيو 3
ادخل اقول الثالث والاخير واشتغلت باذن الله ^^
كل حاجة بميعاد وان شاء الله الخير فى اللى جاى ^^
واذا فشلت هطور الجزء اللى وقع منى واتعلم منه
ربنا يقوينى واعمل كل اللى عايزه اعمله جديا
وكل واحد ليه نصيب فى حاجة هيشوفها وهياخدها ايا كانت
الحمدلله على كل شئ <3 p="">

Tired~~ can't sleep

ااااااااه تعبت اويي من مذاكرة الاوتوكاد وشوية نظرى وكلام من هنا على هنا يااااااااه
بجد محتاجة وقت رهييب وشوية فرااغ عشان اتعلم حاجااااات كتييييييييير
بكره الزنقة
ربنا يستر بكره
مش فارق معايا ياخدونى ولا لأ
عشان لسه فى حاجات مخلصتهاش
:D
بس ارضاءا للضمير الواحد بيعمل اللى عليه
عشان ميبقاش مقصر
المشكلة انى احتمال كبير هبقى مش فايقة
ممكن اشرب قهوة بس خايفه القهوة تبوظلى دماغى ههههههههههههه
مش دايما بتيجى بنتيجة كويسه ساعات بفعل عكسى
او يمكن ساعتها كنت متوترة :D
يلا ان شاء الله خيير
وعلى اى حال اهى تجربة عشان اتعلم منها حاجات اكتر عشان الانترفيو القادم
ان شاء الله ^^
يااااااااااااااارب ^^
وانا فى درس اولريدى اتعلمته ..
انى مش لازم استنى يدونى فرصة كام يوم قبلها عشان اراجع
المفروض انى ابقى جاهزة
اول ذا تايم :D
النظام دى مينفعش معايا
بس على اى حال ان شاء الله عندي نوايا كويسه
انى اظبط نفسى وابقى جاهزة فى اى وقت لاى حاجة
انا كنت لسه فى اوائل مراحل التظبيط لنفسى ههههههههه
يلا ان شاء الله خيير
وامر المؤمن كله خير
الحمدلله على كل شئ ^_^

2nd interview

بكره تانى انترفيو
اكتر حاجة مضيقانى
انه مفاجئ يعنى دايما يكلمونى يقولولى تعالى بكره
ارجوكوو اتصلوا بيا قبلها بايام كتيير مش لازم يبقى بكره وتدونى نصف يوم
مبلحقش اذاكر ولا احضر نفسى
ونفس المشكلة
محتاجة يوم على الاقل عشان ابقى برفكت يعنى فى اللى بذاكره
نصف يوم هو اى قلب وخلاص
ربنا يستر ويسهل
مش عارفة انا حاسه بايه
بس حاسه انى مضغوطة عشان نعسانه وعايزه انام
وفى نفس الوقت عايزه اذاكر

اعمل اايييه ؟!! زهق بجد -_-
انا بقول هنام وخلاص :D
ياااااااااارب سترك

fresh feeling

thanks to *bath & body works * carried away body lotion  ^^
i feel happy & fresh ..not stressed at all
i still smell the scent
this is the real happiness ^^

أسوا الاشياء - -

من اسوأ الاشياء اللى ممكن تحصل
ان تجيلك هدية
فى نفس الوقت متتفاجأش بيها
بمعنى اصح متحسش بيها
بمعنى ادق متفرحش بيها
وحالة اسوأ متعرفش تقول ايه للرد على الهدية
سواء كلام او فعل حتى تعويضا عن الاستقبال البارد 

احساس رخم مش للمستلم فقط
بس لللى اعطى كمان

حقيقى نفسى اتغير ويتولد اى احساس بالنسبة لى
بس مش عارفة ايه ده -_-

سامحنى يارب

shopping is the best ^^

اول مرة من فترة اخرج واشترى حاجات وميهمنيش
بس كلها حاجات لنفسى
كريم للشعر وشوية ميك اب وشاور جل من *bath & body works * 
وحقيقى حتى لو الحاجات غالية بس جميييلة جدا
الفكرة ان الواحد مش هيعيش كتيير ولازم يعمل اللى نفسه فيه
ومن وقت للتانى محتاجين نتجرأ ونجيب حاجات يمكن فى العادى مش هنجيبها
وللانطلاق فى مراحل الاهتمام بالنفس ^^
كسرت النهارده خوفى من انى اصرف كتير
طالما لسه مع نفسى يبقى اعمل اللى عايزاه
اهو بكره الواحد لما يكبر ويتجوز ويبقى مسئول
مبيعرفش يهتم بنفسه ..بس هحاول اعمل اللى اقدر عليه

لازم انتهى من كل الحاجات اللى عايزه اعملها عشان لما اشتغل مش هبقى فاضية
انى افكر او اشيل هم حاجات كتيير
حاليا لازم استغل فراغى لاقصى درجة
واجرب حاجات كتيير وكل حاجة تيجى على بالى عشان
اتعلم واعرف اكتر ويبقى عندى خبرات اكتر ^^

الحمدلله
انتقلت من 20% مبخافش من حاجة الى 70% مبقتش اخاف من حاجات كتير
 مبقتش اخاف من تجربة الجديد واو خوض مغامرات
ميقتش اخاف اعبر عن رأيي بكل صراحة او اخاف من رد فعل اللى قدامى
مش هعيش مخبية وشايله فى نفسى 
مبقتش اخاف من اى حاجة تحصل او ايه اسوأ شئ ممكن يحصل مبقتش خايفة
حاجات كتير جدا اختلفت ودى حاجة مهمة للمراحل القادمة فى حياتى
انى مخفش من اى حاجة

need to Heal more

لازم نركز فى الحاجات الكويسه اللى نفسنا فيها لاننا كده هنجذب الحاجات دى لينا ..مشكلتنا اننا كبشر بنركز اكتر فى الحاجات اللى بنكرهها وبنخاف انها تحصل لنا 
ونرجع نقول * هو ليه كل حاجة كرهتها حصلتلى وليه كل حاجة خفت منها حصلتلى * 
الاجابة هى لاننا بنفكر فى مخاوفنا والحاجات اللى بنكرهها اكتر من الحاجات اللى بنحبها والحاجات اللى عايزينها ..تركيزك فى افكار معينة بيخليك تبقى مغناطيس للحاجة دى سواء حلوة او وحشة 
المفروض : من هنا ورايح نبطل تفكير فى اللى بنكرهه وبنخاف منه 
ونقعد نفكر فى اللى الحاجات الاحسن ..
- نحول الطاقة المحيطة بينا طاقة ايجابية من كل النواحى ونبعد عن السلبية تماما
ساعتها هتلاقى حياتك بتتظبط لوحدها فى كل حاجة 
- افتكر ان انت ما تعتقده وتفكر به ..فلازم نختار اللى بنفكر فيه 
من الاخر : تفاءلوا بالخير تجدوه 
عشان كده احنا محتاجين اعادة تأهيل وهيكلة لافكارنا من اول وجديد 
^_^

حلم 00

اول مرة من فترة احلم حلم من النوعية دى وفيه الاشخاص المداومين ع الظهور فى حلامى
يمكن عشان امبارح كنت بكلم اختى فى حتت الاحلام والاتصال عن بعد
وانى بعد فترة طويلة من استلام حااجات كتير ومعلومات كتيير
وكنت فاكره انى السبب فى الحوار ده
طلعت مجرد ريسيفر مش اكتر
بمعنى ان الشخص اللى فى احلامى هو اللى بيعبت المسجات دى
بس برده ممكن اكون كنت ببعت وانا مش واحدة بالى
بس الاكيد ان الشخص ده نفسه هو الوحيد اللى عارف المعلومة دى :D
على اى حال
انا من اول السنة اللى فاتت وحاولت بكل جهودى بعد استنزاف طاقتى وروحى على تلك الرسائل الهلامية
انا بصدق ف الموضوع ده ويمكن ناس كتير مبتصدقش فيه
وناس مش هتصدق الا لما تجربه
انك تعرف معلومات عن حد وحاجات بتحصله من قبل ما تعرف الحاجة دى على الحقيقة
غريبة صح !؟
مش غريبة هى محتاجة روح صافية ونقية وايمان عالى وساعتها يبقى الرادار جاهز لاستلام اى رسائل
بس دلوقتى انا بعيده تماما انى ردارى يعمل بشكل جيد
وخصوصا ان الحلم لم يحمل اى احداث تخص الشخص ده
الحلم كان حقيقى لدرجة انه كان بيمثل النهارده يعنى كان يوم الخميس
وانا كنت نايمة زى مانا كنت نايمة وصحيت اتفاجأت بالخبر
اللى هو انى اتخطبت للشخص اللى فى احلامى
ومش خطيبى الحالى !!
الموضوع كان مقلق بالنسبة لى فى الحلم برغم انى كنت فى حالة استعجاب رهيبة
ان ازاى اهلى وافقو وقروا الفاتحه
طب هو انا سبت خطيبى الاولانى امتى
طب وايه اللى حصل
كل الحلم كل ما احمله هو تساؤلات فى عقلى
وكالغبية كالعادة  لم استمتع باللحظة مثلما افعل فى احلامى افعل فى واقعى
لا استمتع بشئ فقط استمر فى التفكير الكثير
اللى بيتعبنى ويرهقنى انا فى الاخر
واللى استغربتله اكتر انى صاحيه بدرى اول حاجة
وتانى حاجة انى صاحيه فاكره الحلم كله !! 0-0
والاغرب ان مبعتولى رسالة على الواتس اب الصبح بتحمل حاجات قريبة من اللى عملته امبارح والحلم
بس للاسف معرفش الرسالة من مين !!!
مش عارفة احدد انا كنت مبسوطة ولا لأ
لانى كنت فى ميكس شعورى رهيب  مبسوطة بس خايفة
قلقانه ومتوترة بس كنت شاكرة لربنا  على ما اتذكر :D
مبسوطة طبعا لان عقلى فى الحلم رابط احداث الاحلام اللى فاتت كانها واقع
O.o ×.× weird sa7 !!

غريب جدا ان احلامى تمثل سلسلة من الاحداث جميلة ممكن تتعمل فيلم او قصة
والمؤسف ان احلامى عامله زى حياة موازية لانها غالبا بيبقى ملهاش اى علاقة بواقعى
غريب جدا انك تعرف حاجات عن شخص ومعلومات كتير وتتعرف عليه فى احلامك وممكن فى الواقع الشخص ده مجرد شخص مر بجانبك عدة مرات فى حياتك فى الواقع !!!

انا مبسوطة من بعد الحلم لسببين
- ان احلامى رجعت تبقى ليها معنى بعد فترة من احلام مملة وكلها افلام اكشن وضرب وعفاريت وهبل
-ان احلامى ممتعة جدا وبتسلينى اكتر من انى واقعيا شخص ممل وبتدينى فرصة ان امثل ادوار فى قصص بفكر اكتبها
:D
وانى صحيت اول مرة بدرى لوحدى دى لواحدها انجاز
وانى قلبى مرتاح كده وحاسه انى خفيفة :D
* اكيد عشان روحى كانت بتتجول ولسه مفردتش نفسها كويس جوايا ههههههه *

الفراغ ممكن يعمل اكتر من كده
يارب اشتغل يارب :D
الحمدلله على كل شئ ^^

يوم فاضى ~~

طبقا للانشغال فى اليومين الماضيين
النهارده يوم فاضى بطريقة رهيبة
بس الحمدلله حاولت استغله وعملت مكالمات مع صحابى
او سألت عليهم فى بروفايلاتهم او فى الرسايل
المهم ان عملت حاجة وانى سألت ع الناس بقالى زمن مسألتش عليهم
لسه باقى فى اليوم وربنا يستر والنور ميقطعش
ههههههههههههههه
غالبا هكمل باقى الكتب اللى حمضانيين بقالهم اسبوعين ولا 3
-_- متضايقة عشان فى اسابيع كتير فوتها وفوت كتبها
بس هحاول اظبط الامور الفترة الجاية
واخلص الكوفية اللى بعملها -
وانجز الوعود اللى قطعتها مع الناس فى خلال السنين الماضية -
اكتب كل القصص اللى فى دماغى -
-اذاكر من جديد واتدرب ع البرامج تانى
اتعلم اللى عايزه اتعلمه -
اهتم بنفسى اكتر -
احاول الانتقال بالخطوبة من مرحلة الملل دى لمرحلة تانية -
فى حاجات كتيير فى دماغى
وتفكير كتير ودوشة جوايا
محتاجة وقت فوق الوقت
محتاجة بجد اصفى ذهنى شوية
ارهاق عقلى -_-
اى نييد ابريييييييييك  سوم بيس - -

دا ربنا بيناديك ^^ فمتفوتش الفرصة عليك اقتنصها ^^

لما فجأة تلاقى حاجات كتير مبتحبهاش ولا عمرك تتخيلها تحصل لك
لما تلاقى حاجات مش كويسه * من وجهه نظرك * بتحصل لك
لما تحصل اى حاجة وتحس ان الحزن مسكك
اول حاجة اول حاجة اول حاجة تفكر تبص عليها
شوف علاقتك مع ربنا
لان بنسبة 101% بيكون السبب فى التقصير
هتلاقى فى حاجات كنت بتعملها وبطلتها كسل بقى وسوسة شيظان
ربنا بيحبك وحابب يسمع صوتك وانت بتدعيه
انا كل الحاجات اللى محبتهاش وحصلتلى كانت سبب تقصير كبير منى
والحمدلله بلحق نفسى بسرعه وبنتبه
والحمدلله ربنا بينجدنى وبيسهل لى وبيحقق لى كل اللى نفسى فيه
وانا فعلا قصرت جامد جداا الفترة اللى فاتت وبطلت حاجات كنت بعملها
بس الحمدلله رجعت تانى اقوى نفسى وابقى احسن وارجع زى زمان
لسه شوية بس بحاول ومن ساعتها بقيت حاسه براحة
ومبقتش بفكر فى حاجة ولا اخلى حاجة تضايقنى
وسيباها على ربنا
لان ربنا هيسهل لى هينور لى طريقى
هيختارلى الصح
هيدبرلى
هو اللى هيريحلى قلبى
وهيساعدنى وهينورلى بصيرتى
وانا هعمل كل واجبى اول باول وربنا يعينى
بجد

السعادة فى القرب من الله

فعلا فعلا فعلا فعلا فعلا بجد السعادة مش هتلاقيها مع انسان ولا مع اشياء
لو معاك كل حاجة وانت مش مع ربنا مش هتحس بالسعادة
لكن انت لو مع ربنا ومش معاك حتى ولو حاجة هتبقى فى سعادة
وراحة بال ^^
ربنا يهدينا جميعا ويعيننا على ذكره وشكره وحسن عبادته 
ويسهل لنا امورنا ويقدر لنا الخير ويرضنا به ^^
اللهم امين
صباح جميل على كل الناس
يارب يبقى يوم جميل على كل الناس النهارده
^^

خطوات صغيرة

الحمدلله على كل شئ
الحمدلله عملت حاجات كتير كان نفسى اعملها
تطور نفسى - دينى - شخصى - عائلى 
بقيت شخصيا بنسبة 40 % انسانه مرتبة ومنظمة ههههههههههه
فاضل شوية حااجات وشوية ترتيبات وانتظام بقى واوصل لل 100
وافضى بقى واتفرغ لاهتماماتى والحاجات اللى عايزه اتعلمها
اااااااااااااااااااه حاسه براحة الحمدلله  بقالى يومين بشتغل كتير
لدرجة انى مش حاسه بنفسى ومفيش فرصة افكر فى اى حاجة
والحمدلله مبقتش افكر كتير زى الاول
التفكير كان بيتعبنى مش بس بيتعبنى كان بيقتلنى بالبطئ
بجد كان نفسى دماغى ترتاح من اللى فيها
الى حد ما ارتاحت وقررت مفكرش فى حاجة افكر فى اللى عايزه احققه ف حياتى وبس
مع القيام بالواجب اللى عليا تجاه ربنا واهلى وعيلتى والبيت
وابطل اتوتر لانى اكتشفت انى شخصية متوترة طول الوقت
وفعليا اتفاجأت ههههههههههههههههه
عامة 2014
من اواخر 2013 اللى ادتنى دروس قاسية فى حاجات كتيير
و2014 بتكمل عليها بس من اتجاه معين
اعتبر 2014 اكتر سنة فيها تطور لحد دلوقتى وقاربنا على انتهاء الربع الاول من السنة
يعنى ع الاقل يوميا بعمل حاجة بتطور بيها
على اى مجال
متفاءلة مهما كان حتى لو 2014 ادتنى على دماغى وادتنى درس قاسى
بس فى نفس الوقت نفيش وقت للاستسلام والتراجع وان شاء الله مستمرة ف السير نحو احلامى
والحمدلله اندمجت اكتر فى الحياة الواقعية اكتر من الافتراضية
حتى مبقتش حابه اى حاجة افتراضية
وبدخل على الفيس لمجرد لو هتناقش مع مياده ويسرا ف حاجة
حتى مش فتحاه على الموبايل .. فى حاجات كتير مبقاش ليها لازمة
حتى من اول 2014 متفرجتش لسه ع اى مسلسل كورى جديد هههههههه
فعليا ابتديت اهتم بنفسى اكتر واكتر من حيث التطوير الدينى 0- النفسى - العقلى - كل شئ
برغم اعترف ان كل ده من اثار تدريبات مطولة ع مدى الشهور الماضية من اللى شفته ف 2013
بس حتى لو 213 وحشة بس انا شاكره ليها وممتنه ليها لان لولا السنة دى مكنتش بقيت الشخص اللى انا عليه دلوقتى
زى ما يكون فى هم وانزااح ههههههههه
فجأة حاسه بايمان قوى جوايا ومتفاءلة بكل خير
حتى لو بخطوات صغيرة كل يوم
الخطوات الصعيرة هتكبر يوم ورا يوم
وهوصل ان شاء الله للاحلام بتاعتى
اللى مش هتبقى احلام ان شاء الله هتبقى واقع
ان شاء الله خير انا مؤمنة بكده ^^
على العموم هخلص اللى ورايا وهتفرغ للكتابة  وللمدونة بقى عشاااان فى كتيييييير كتيييييير فى دماغى ومحتاجة افرغها بشكل دورى عشان
متتعبنيش :D